കലഹൻഡി: വംശനാശ ഭീഷണി നേരിടുന്ന ജീവിയായെ ഈനാംപേച്ചിയെ കൈവശം വച്ചയാളെ പിടികൂടി. ഒഡിഷയിലെ തര്‍കല സ്വദേശിയായ ജിതേന്ദ്ര കുമാറിനെയാണ് അന്വേഷണസംഘം കസ്‌റ്റഡിയിലെടുത്തത്. ക്രൈംബ്രാഞ്ച് സ്‌പെഷ്യൽ ടാസ്‌ക് ഫോഴ്‌സും, വനംവകുപ്പ് ഉദ്യോഗസ്ഥരും സംയുക്തമായി കര്‍ണി ഖുന്തി ഗ്രാമത്തില്‍ നടത്തിയ പരിശോധനയിലാണ് ഇയാളെ പിടികൂടിയത്.
അനധികൃതമായി സൂക്ഷിച്ചിരുന്ന ഈനാംപേച്ചിയെ രക്ഷപ്പെടുത്തി
അന്വേഷണസംഘത്തിന് ലഭിച്ച രഹസ്യവിവരത്തിന്‍റെ അടിസ്ഥാനത്തിലാണ് പ്രദേശത്ത് പരിശോധന നടത്തിയത്. 13.33 കിലോയുള്ള ഈനാം പേച്ചിയെയാണ് പരിശോധനയില്‍ ഉദ്യോഗസ്ഥര്‍ കണ്ടെത്തിയത്. സുരക്ഷിത സ്ഥാനത്തേക്ക് മാറ്റി പാര്‍പ്പിക്കാന്‍ ജീവിയെ വനം വകുപ്പിന് കൈമാറിയിട്ടുണ്ട്.