കണ്ണൂര്‍: തളിപ്പറമ്പിൽ വർക്ക് ഷോപ്പിന്‍റെ മറവിൽ ചാരായം വില്‍പ്പന നടത്തിയ ഒരാളെ എക്സൈസ് അറസ്റ്റ് ചെയ്‌തു. പടപ്പേങ്ങാട് അമ്മംകുളം സ്വദേശി മുകുന്ദനെയാണ് 20 ലിറ്റർ ചാരായവുമായി തളിപ്പറമ്പ് എക്സൈസ് റേഞ്ച് ഓഫീസർ എം.ദിലീപിന്‍റെ നേതൃത്വത്തിൽ അറസ്റ്റ് ചെയ്‌തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്‌തു.
എക്സൈസ് റേഞ്ച് ഇന്‍റലിജിൻസ് ബ്യൂറോയുടെ നിർദേശപ്രകാരം നടത്തിയ റെയ്‌ഡിലാണ് ചാരായം കണ്ടെടുത്തത്. ഇയാളുടെ വീടിന്‍റെ പരിസരത്ത് നിന്നാണ് ചാരായം പിടിച്ചെടുത്തത്. ആലക്കോട് ഭാഗത്ത് നിന്നുമാണ് ആവശ്യമായ ചാരായം ഇയാൾക്ക് എത്തിച്ച് നൽകുന്നത്. മദ്യഷാപ്പുകൾ അടഞ്ഞ് കിടക്കുന്നതിനാൽ ആവശ്യക്കാർക്ക് വർക്ക് ഷോപ്പിന്‍റെ മറവിലാണ് ചാരായം വില്‍പ്പന നടത്തി വന്നിരുന്നത്.