കോട്ടയം: കോട്ടയം അയർക്കുന്നത്ത് ദമ്പതിമാരെ ദുരൂഹ സാഹചര്യത്തിൽ വീട്ടില്‍ മരിച്ച നിലയിൽ കണ്ടെത്തി. ഭാര്യയെ കഴുത്തു ഞെരിച്ചു കൊല ചെയ്‌ത നിലയിലും ഭർത്താവിനെ തൂങ്ങി മരിച്ച നിലയിലുമാണ് കണ്ടെത്തിയത്. അയർക്കുന്നം പഞ്ചായത്തിലെ അമയന്നൂർ പതിമൂന്നാം വാർഡ് പതിക്കൽ വീട്ടിൽ സുധീഷ് (40), ഭാര്യ ടിന്‍റു (34) എന്നിവരാണ് മരിച്ചത്.
കോട്ടയത്തെ ദമ്പതിമാരുടെ മരണത്തില്‍ ദുരൂഹത
സുധീഷ് 2 മാസം മുൻപാണ് വിദേശത്ത് നിന്ന് നാട്ടിലെത്തിയത്. നഴ്‌സായിരുന്ന ടിന്‍റു വിദേശത്തു പോകാൻ തയാറെടുക്കുകയായിരുന്നു. ഇവർക്ക് സാമ്പത്തിക പ്രശ്‌നങ്ങൾ ഒന്നുമില്ലെന്നാണ് ബന്ധുക്കൾ പറയുന്നത്. സുധീഷിന്‍റെ പിതാവ് വിവരം പഞ്ചായത്തംഗത്തെയും പൊലീസിനെയും അറിയിക്കുകയായിരുന്നു.