ജയ്‌പൂര്‍ (രാജസ്ഥാന്‍): ഭര്‍ത്താവിന് ഭക്ഷണവുമായി പോയ 35 കാരിയെ കൂട്ടബലാത്സംഗത്തിന് ഇരയാക്കി. മദ്യലഹരിയിലായിരുന്ന ഭർത്താവിന് ഭക്ഷണവുമായി പുറത്തിറങ്ങിയ 35 കാരിയായ യുവതിയെയാണ് അഞ്ച് പേര്‍ ചേര്‍ന്ന് കൂട്ടബലാത്സംഗത്തിന് ഇരയാക്കിയത്. ജയ്‌പൂർ ജംഗ്ഷൻ റെയിൽവേ സ്റ്റേഷന് സമീപം വ്യാഴാഴ്‌ച (25.08.2022) രാത്രിയാണ് സംഭവം.
യുവതിയെ കണ്ട അക്രമികൾ അവരെ ബലം പ്രയോഗിച്ച് റെയിൽവേ ട്രാക്കിന് സമീപം കൊണ്ടുപോയി വസ്‌ത്രങ്ങൾ വലിച്ചുകീറി ഓരോരുത്തരായി ബലാത്സംഗം ചെയ്യുകയായിരുന്നു. തുടര്‍ന്ന് അർദ്ധനഗ്നയായാണ് യുവതി ജിആർപി സ്‌റ്റേഷനിലെത്തിയത്. ഇവര്‍ക്ക് ആദ്യം വസ്‌ത്രങ്ങൾ എത്തിച്ചുനല്‍കിയ പൊലീസ് ശേഷം സംഭവത്തില്‍ കേസും രജിസ്‌റ്റർ ചെയ്‌തു.