എറണാകുളം: കള്ളക്കേസില്‍ കുടുക്കി ജയിലിലടച്ചവര്‍ക്ക് എക്സൈസ് നഷ്‌ടപരിഹാരം നല്‍കണമെന്ന് ഹൈക്കോടതി. വ്യാജ അബ്‌കാരി കേസില്‍ പ്രതികളാക്കി ജയിലില്‍ അടച്ച രണ്ട് പേര്‍ക്ക് നഷ്‌ടപരിഹാരം നല്‍കാനാണ് ഹൈക്കോടതി ഉത്തരവിട്ടത്. കൊല്ലം സ്വദേശികളായ രണ്ട് പേര്‍ക്ക് രണ്ടരലക്ഷം രൂപ വീതം നഷ്‌ടപരിഹാരം നല്‍കണമെന്നാണ് ഉത്തരവ്.
വ്യാജ ചാരായം സൂക്ഷിച്ചുവെന്ന കുറ്റം ചുമത്തി ഇവരെ രണ്ട് മാസത്തോളം ജയിലിലടച്ചിരുന്നു. ഇത് കള്ളക്കേസാണെന്ന് കണ്ടെത്തിയ കോടതി ഇവരെ വെറുതെ വിടുകയും ചെയ്‌തു. നഷ്‌ടപരിഹാരത്തുക ഉത്തരവാദികളായ എക്സൈസ് ഉദ്യോഗസ്ഥരില്‍ നിന്ന് ഈടാക്കണമെന്നും ഹൈക്കോടതി നിർദേശിച്ചു.