എറണാകുളം:കരിപ്പൂർ വിമാനത്താവളം വഴി സ്വർണം കടത്താൻ ശ്രമിച്ചയാൾ കൊച്ചിയിൽ പിടിയില്‍. മലപ്പുറം സ്വദേശി സമദാണ് കൊച്ചി രാജ്യാന്തര വിമാനത്താവളത്തിൽ കസ്റ്റംസിന്‍റെ പിടിയിലായത്. ജിദ്ദയിൽ നിന്നും കരിപ്പൂരിലേക്കുള്ള സ്പൈസ് ജെറ്റ് വിമാനത്തിൽ അരയിൽ തോർത്തു കെട്ടി അതിനകത്ത് പേസ്റ്റ് രൂപത്തിലാക്കി 1650 ഗ്രാം സ്വർണം ഒളിപ്പിച്ച് കടത്താനാണ് ലക്ഷ്യമിട്ടത്.
പിടികൂടിയ സ്വർണം
എന്നാൽ, ഹൈഡ്രോളിക് സംവിധാനം തകരാറിലായതിനാൽ വിമാനം നെടുമ്പാശേരിയിലേക്ക് വഴി തിരിച്ചുവിട്ടു. എമർജൻസി ലാൻഡിങിന് ശേഷം യാത്രക്കാരെ ഇറക്കി ടെർമിനൽ ഹാളിൽ വിശ്രമിക്കാനനുവദിച്ചു. തുടർന്ന് സ്‌പൈസ്‌ജെറ്റിന്‍റെ മറ്റൊരു വിമാനത്തിൽ കോഴിക്കോട് എത്തിക്കുന്നതിന്‍റെ ഭാഗമായി സുരക്ഷ പരിശോധന വീണ്ടും നടത്തുകയായിരുന്നു.