മലപ്പുറത്ത് ലക്ഷത്തിൽ പരം രൂപയുടെ വ്യാജ നോട്ടുകള്‍ തോട്ടിൽ ഉപേക്ഷിച്ച നിലയിൽ

മലപ്പുറം മേലാക്കത്ത് ലക്ഷത്തിൽ പരം രൂപയുടെ വ്യാജ നോട്ടുകള്‍ കവറിൽ കത്തിച്ച് തോട്ടിൽ ഉപേക്ഷിച്ച നിലയിൽ കണ്ടെത്തി

മലപ്പുറം: വ്യാജ നോട്ടുകൾ തോട്ടിൽ ഉപേക്ഷിച്ച നിലയിൽ കണ്ടെത്തി. മേലാക്കത്താണ് വ്യാജനോട്ടുകള്‍ കവറിൽ കത്തിച്ച് വലിച്ചെറിഞ്ഞ നിലയില്‍ കണ്ടെത്തിയത്. തോടിനരികിലൂടെ നടന്ന് പോവുകയായിരുന്ന സ്‌ത്രീയാണ് വെള്ളത്തിലെ ചളിയിൽ കുടുങ്ങിക്കിടക്കുന്ന നിലയിൽ നോട്ടുകൾ കണ്ടത്.

തുടര്‍ന്ന് മഞ്ചേരി പൊലീസിനെ വിവരമറിയിക്കുകയായിരുന്നു. പൊലീസിന്‍റെ പരിശോധനയില്‍ 500 രൂപയുടെ 6AA223365 എന്ന സീരിയല്‍ നമ്പറിലുള്ള ഒരു ലക്ഷത്തിൽ പരം രൂപയുടെ നോട്ടുകളാണ് കണ്ടെത്തിയത്.