കോഴിക്കോട്: പോക്സോ കേസിൽ പ്രതിയായ ശേഷം വിദേശത്തേക്ക് കടക്കാൻ ശ്രമിച്ച യുവാവിനെ പൊലീസ് അറസ്റ്റ് ചെയ്‌തു. കൊയിലാണ്ടി ചേരിക്കുന്നുമ്മൽ താഴെകുനി വീട്ടിൽ ജിഷ്‌ണുവാണ് (25) അറസ്റ്റിലായത്. പ്രണയം നടിച്ച് 16 കാരിയെ ലൈംഗികമായി പീഡിപ്പിച്ചതാണ് കേസ്.
കൊയിലാണ്ടി പൊലീസ് സ്റ്റേഷൻ സബ്ബ്-ഇൻസ്പെക്‌ടർ സുബൈറിന്‍റെ നേതൃത്വത്തിലുള്ള സംഘമാണ് ചെന്നൈ വിമാനത്താവളത്തിൽ വെച്ച് ജിഷ്‌ണുവിനെ അറസ്റ്റ് ചെയ്‌തത്. പെൺകുട്ടിയുടെ പരാതിയിൽ കഴിഞ്ഞ വർഷം പ്രതിക്കെതിരെ പോക്സോ വകുപ്പ് പ്രകാരവും ബലാത്സംഗത്തിനും കേസ് രജിസ്റ്റർ ചെയ്‌തിരുന്നു. ഇതോടെ ദുബായിലേക്ക് ഒളിവിൽ പോയ പ്രതി ഇക്കഴിഞ്ഞ എട്ടാം തിയ്യതിയാണ് ചെന്നെയിൽ വിമാനമിറങ്ങിയത്.