പാലക്കാട്:ഒറ്റപ്പാലം എസ്‌.ഐ സുഭാഷിന് നേരെ വധ ശ്രമം. ഒരാള്‍ അറസ്റ്റില്‍. കള്ളാടീപറ്റ സ്വദേശി മുജീബാണ് അറസ്റ്റിലായത്. ഇന്നലെ (ഓഗസ്റ്റ് 26) രാത്രി 10 മണിക്കാണ് സംഭവം. മനപ്പടി മേഖലയിലൂടെ പട്രോളിങ് നടത്തുന്നതിനിടെയാണ് ഒഴിഞ്ഞ പ്രദേശത്തുള്ള ഒരു ഷെഡില്‍ ഇയാള്‍ ഇരിക്കുന്നത് പൊലീസിന്‍റെ ശ്രദ്ധയില്‍പ്പെട്ടത്.
തുടര്‍ന്ന് എസ്‌ഐ ജീപ്പില്‍ നിന്നിറങ്ങി എന്താണ് ഇവിടെ ഇരിക്കുന്നതെന്ന് ചോദിച്ചപ്പോള്‍ ഇയാള്‍ ഷര്‍ട്ടിന് പിന്നില്‍ ഒളിപ്പിച്ച വാള്‍ എടുത്ത് എസ്‌ഐക്ക് നേരെ വീശി. "സാറ് പോയ്‌ക്കോ കീറി കളയും' എന്ന് പറഞ്ഞായിരുന്നു ഇയാള്‍ വാള്‍ വീശിയത്. ആക്രമത്തില്‍ നിന്ന് രക്ഷപ്പെടാനായി പിന്നിലേക്ക് ഒഴിഞ്ഞ് മാറിയ എസ്‌ഐക്ക് കാലിന് സാരമായി പരിക്കേറ്റു.