താനെ(മഹാരാഷ്‌ട്ര): കോളജിലേക്ക് പോകുന്നതിനായി വഴിയരികിൽ നിന്ന വിദ്യാര്‍ഥിനിയെ ഓട്ടോറിക്ഷ ഡ്രൈവര്‍ കയറിപ്പിടിച്ചു. മഹാരാഷ്‌ട്രയിലെ താനെയിലാണ് സംഭവം. വിദ്യാര്‍ഥിനിയെ അരകിലോമീറ്ററോളം ദൂരം വലിച്ചിഴച്ച ശേഷം ഓട്ടോറിക്ഷ ഡ്രൈവര്‍ കടന്നുകളയുകയായിരുന്നു.
കയറിപ്പിടിച്ചു, അരകിലോമീറ്ററോളം വലിച്ചിഴച്ചു; കോളജ്‌ വിദ്യാർഥിനിക്ക് നേരെ ഓട്ടോ ഡ്രൈവറുടെ അതിക്രമം
ഇന്നലെ(14.10.2022) രാവിലെ ഏഴ് മണിക്കാണ് സംഭവം. കോളജിലേക്ക് പോകുന്നതിനായി വിദ്യാര്‍ഥിനി, താനെ സ്‌റ്റേഷൻ റോഡ് പരിസരത്ത് ബസ്‌ കാത്തുനിൽക്കുകയായിരുന്നു. അവിടെയെത്തിയ ഓട്ടോറിക്ഷ ഡ്രൈവര്‍ യുവതിയോട് മോശമായി പെരുമാറി. ഇതിനെതിരെ യുവതി ചോദ്യം ചെയ്‌തതോടെ പ്രകോപിതനായ ഡ്രൈവര്‍ പെണ്‍കുട്ടിയുടെ കൈയില്‍ പിടിച്ച് ഞെരിക്കുകയും ഓട്ടോയിലേക്ക് കയറ്റാൻ ശ്രമിക്കുന്നതിനിടെ റോഡിലൂടെ വലിച്ചിഴക്കുകയുമായിരുന്നു എന്ന് പൊലീസ് പറഞ്ഞു.