എറണാകുളം : കോതമംഗലം ഊന്നുകൽ ലിറ്റിൽ ഫ്ലവർ ഫൊറോന പള്ളിയുടെ വെള്ളാമ കുത്ത് ചാപ്പൽ സാമൂഹ്യ വിരുദ്ധർ എറിഞ്ഞുതകർത്തു. നേർച്ചയിടാനെത്തിയവരാണ് ചാപ്പൽ തകർക്കപ്പെട്ട നിലയിൽ കണ്ടത്. പള്ളി അധികൃതർ വിവരമറിയിച്ചതിനെ തുടർന്ന് മുവാറ്റുപുഴ ഡിവൈഎസ്‌പിയുടെ നേതൃത്വത്തിൽ പൊലീസ്‌ സംഘം സ്ഥലത്തെത്തി അന്വേഷണം ആരംഭിച്ചു.
അന്വേഷണത്തിൽ സമീപത്തുള്ള ടയർ കടയുടെ മുൻപിൽ ചാപ്പലിൻ്റെ ചിത്രം വരച്ച് എറിഞ്ഞ് തകർക്കേണ്ട ഭാഗം രേഖപ്പെടുത്തിയിരിക്കുന്നതായി കണ്ടെത്തിയിട്ടുണ്ട്. ഇതിൽ വ്യക്തമായ ഗൂഢാലോചനയുണ്ടെന്നാണ് നാട്ടുകാർ ആരോപിക്കുന്നത്.
ഒരാഴ്‌ചക്കിടെ രണ്ടാമത്തെ സംഭവം; കോതമംഗലം രൂപതയുടെ പള്ളികൾക്ക് നേരെ അജ്ഞാതരുടെ ആക്രമണം
കോതമംഗലം എംഎൽഎ ആൻ്റണി ജോൺ, ഡീൻ കുര്യാക്കോസ്‌ എംപി അടക്കമുള്ള ജനപ്രതിനിധികൾ സംഭവസ്ഥലം സന്ദർശിച്ചു. പ്രതികളെ എത്രയും പെട്ടെന്ന് കണ്ടെത്തണമെന്ന് സ്ഥലം സന്ദർശിച്ച നേതാക്കൾ പൊലീസിന് കർശന നിർദ്ദേശം നൽകിയിട്ടുണ്ട്.