ഇടുക്കി: പ്രണയം നിരസിച്ചതിനെ തുടര്‍ന്ന് പതിനേഴുകാരിയെ വെട്ടിപരിക്കേല്‍പിച്ച് ആത്മഹത്യ ചെയ്യാന്‍ ശ്രമിച്ച യുവാവ് അറസ്റ്റില്‍. മൂന്നാര്‍ ജി.എച്ച് ക്വാര്‍ട്ടേഴ്സില്‍ താമസിക്കുന്ന ബ്രിജേഷാണ് (18) അറസ്റ്റിലായത്. മെയ് 12നായിരുന്നു ആക്രമണം.
പ്ലസ് ടു വിദ്യാര്‍ഥിയായ പെണ്‍കുട്ടി സ്‌കൂള്‍ ബസില്‍ നിന്ന് ഇറങ്ങി വീട്ടിലേക്ക് നടന്ന് പോകുന്നതിനിടെ ബ്രിജേഷ് പിന്നാലെയെത്തി ആക്രമിക്കുകയായിരുന്നു. തുടര്‍ന്ന് കഴുത്തറുത്ത് ബ്രിജേഷ് ആത്മഹത്യക്ക് ശ്രമിച്ചു. ഒരേ സ്‌കൂളില്‍ പഠിക്കുന്നവരാണ് ഇരുവരും.