തൃശൂർ: പുത്തൂരിൽ നിന്നും തൃശൂരിലേക്കുള്ള ബസ് യാത്രക്കിടെ യാത്രക്കാരിയുടെ പേഴ്‌സ് മോഷണം പോയി. കഴിഞ്ഞ ദിവസം രാവിലെ ഏഴ്‌ മണിയോടെ സുമംഗലീസ് ബസിൽ വച്ചാണ് പേഴ്‌സ് മോഷ്‌ടിക്കപ്പെട്ടത്. പുത്തൂർ നമ്പ്യാർ റോഡ് സ്വദേശിനി മണ്ണത്ത് വീട്ടിൽ സുനിതയുടെ പേഴ്‌സാണ് നഷ്‌ടമായത്.
തൃശൂരിൽ ബസ് യാത്രക്കിടെ യാത്രക്കാരിയുടെ പേഴ്‌സ് മോഷ്‌ടിക്കപ്പെട്ടു; സിസിടിവി ദൃശ്യങ്ങൾ
തൃശൂർ ജില്ല ആശുപത്രിക്ക് സമീപം ഇറങ്ങുന്നതിനായി തൊട്ട് മുമ്പിലെ ബസ് സ്റ്റോപ്പ് കഴിഞ്ഞ ഉടൻ സീറ്റിൽ നിന്നും എഴുന്നേറ്റ സുനിതയുടെ ബാഗിൽ നിന്ന് പുറകിൽ നിന്ന മറ്റൊരു സ്ത്രീ കൈ ഷാൾ ഉപയോഗിച്ച് മറച്ച് പേഴ്‌സ് മോഷ്‌ടിക്കുന്നത് സിസിടിവി ദൃശ്യങ്ങളിൽ വ്യക്തമാണ്. 2000 രൂപ, എടിഎം കാർഡുകൾ, ആധാർ കാർഡ്, പാൻ കാർഡ്, ഡ്രൈവിംഗ് ലൈസൻസ്, ഹെൽത്ത് കാർഡ്, റെയിൽവേ ഐ.ഡി കാർഡ് തുടങ്ങിയവ പേഴ്‌സിൽ ഉണ്ടായിരുന്നതായി സുനിത പറഞ്ഞു.