സ്കൂള്‍ ബസ് നിയന്ത്രണം വിട്ട് മറിഞ്ഞ് പത്ത് വിദ്യാര്‍ഥികള്‍ക്ക് പരിക്ക്

മുല്ലക്കര കൈലാസനാഥ വിദ്യാനികേതൻ സ്കൂളിലെ ബസാണ് അപകടത്തിൽപ്പെട്ടത്,കുന്നിൻ മുകളിലെ സ്കൂളിൽ നിന്ന് താഴേക്ക് വരുന്നതിനിടെ ബസിന്‍റെ ബ്രേക്ക് കുരുങ്ങുകയായിരുന്നു

തൃശൂര്‍: മണ്ണുത്തിയില്‍ സ്‌കൂള്‍ ബസ് നിയന്ത്രണം വിട്ട് മറിഞ്ഞ് പത്ത് വിദ്യാര്‍ഥികള്‍ക്ക് പരിക്ക്.മുല്ലക്കര കൈലാസനാഥ വിദ്യാനികേതൻ സ്കൂളിലെ ബസാണ് അപകടത്തിൽപ്പെട്ടത്. കുന്നിന് മുകളില്‍ സ്ഥിതിചെയ്യുന്ന സ്കൂളിൽ നിന്നും കുട്ടികളുമായി വരുന്നതിനിടെ ബസിന്‍റെ ബ്രേക്ക് കുരുങ്ങിപ്പോയതാണ് അപകടത്തിന് ഇടയാക്കിയത്. സമീപത്തെ മരത്തിൽ ഇടിച്ച് വാഹനം നിന്നതിനാൽ വൻ അപകടം ഒഴിവായി.പരിക്കേറ്റവരെ സ്വകാര്യ ആശുപത്രിയില്‍ പ്രവേശിപ്പിച്ചു. ആരുടേയും പരിക്ക് ഗുരുതരമല്ല.