തൃശൂർ: കോഴിക്കോട് പന്തീരാങ്കാവ് യുഎപിഎ കേസില്‍ ജാമ്യം ലഭിച്ച അലൻ ഷുഹൈബും താഹ ഫസലും ജയില്‍ മോചിതരായി. പത്ത് മാസത്തെ തടവിന് ശേഷമാണ് ഇരുവർക്കും ജാമ്യം ലഭിച്ചത്. വൈകിട്ട് മൂന്ന് മണിയോടെ നടപടിക്രമങ്ങൾ പൂർത്തിയായി വിയ്യൂരിലെ അതിസുരക്ഷാ ജയിലില്‍ നിന്ന് ഇരുവരും പുറത്തിറങ്ങി. ഇരുവരെയും മാധ്യമങ്ങൾ സമീപിച്ചെങ്കിലും സന്തോഷമുണ്ടെന്ന ഒറ്റവരിയിൽ പ്രതികരണമൊതുക്കി. ഒപ്പം നിന്നവർക്ക് നന്ദിയുണ്ടെന്ന് അലന്‍റെ അമ്മ പ്രതികരിച്ചു.
അലനും താഹയും ജയില്‍മോചിതരായി