തിരുവനന്തപുരം: സ്തീകള്‍ ഒറ്റക്ക് താമസിക്കുന്ന വീടുകളില്‍ കയറി അക്രമം നടത്തുന്ന യുവാവിനെ പൊലീസ് പിടികൂടി. കുളപ്പട ആശാരിക്കോണം റോഡരികത്ത് വീട്ടിൽ കള്ളൻ ജ്യോതി എന്നു വിളിക്കുന്ന സുബീഷ് ആര്യനാടാണ് പൊലീസിന്‍റെ പിടിയിലായത്.
കുളപ്പട ശ്രീധർമ്മ ക്ഷേത്രത്തിൽ വരുന്ന സ്ത്രീകളെ ഉപദ്രവിച്ചതായി കാണിച്ച് ക്ഷേത്ര ഭാരവാഹികൾ നല്‍കിയ പരാതിയിലാണ് അറസ്റ്റ്. ഇയാള്‍ക്കെതിരെ കുളപ്പട റസിഡൻസ് അസ്സോസ്സിയേഷനിലെ നൂറോളം സ്ത്രീകൾ ഒപ്പിട്ട പരാതിയും പൊലീസിന് ലഭിച്ചിരുന്നു. കഞ്ചാവ് ഉപയോഗിക്കുന്ന വിലക്കിയ ഗൃഹനാഥനേയും മകളേയും ആക്രമിച്ച കേസിലും ഇയാള്‍ പ്രതിയാണ്.