തിരുവനന്തപുരം :വീട്ടുകരം വെട്ടിച്ചതുമായി ബന്ധപ്പെട്ട് തിരുവനന്തപുരം കോർപ്പറേഷനിൽ ബിജെപി കൗൺസിലർമാരുടെ സമരം തുടരും. ആറ് ദിവസമായി കോർപ്പറേഷൻ കൗൺസിൽ ഹാളിൽ തന്നെ പ്രതിഷേധവുമായി തുടരുന്ന ബിജെപി കൗൺസിലർമാരെ അനുനയിപ്പിക്കാനുള്ള ഭരണപക്ഷത്തിൻ്റെ ചർച്ച പരാജയപ്പെടുകയായിരുന്നു.
ഉച്ച തിരിഞ്ഞ് രണ്ട് മണിയോടെയാണ് മേയറും യുഡിഎഫ്, ബിജെപി നേതാക്കളും തമ്മിൽ ചർച്ച നടത്തിയത്. എഫ്ഐആർ പ്രകാരം പ്രതിചേർക്കപ്പെട്ട ഉദ്യോഗസ്ഥരെ അറസ്റ്റ് ചെയ്യണമെന്ന് അടുത്ത കൗൺസിൽ യോഗത്തിൽ പ്രമേയം പാസാക്കുക, കരം അടച്ചവരുടെ പേരുവിവരങ്ങൾ ഒരാഴ്‌ചയ്ക്കുള്ളിൽ പ്രസിദ്ധീകരിക്കുക എന്നിവ ഉൾപ്പടെ നാല് ആവശ്യങ്ങളാണ് ബിജെപി മുന്നോട്ടുവയ്ക്കുന്നത്.
വീട്ടുകരം വെട്ടിച്ച സംഭവം; ബിജെപി കൗൺസിലർമാരുടെ സമരം തുടരും