തിരുവനന്തപുരം:ആലപ്പുഴയിലെ ബിജെപി പ്രവര്‍ത്തകന്‍റെ കൊലപാതകത്തിന് കാരണം മുന്‍കരുതല്‍ എടുക്കുന്നതിലെ പൊലീസ് വീഴ്‌ചയെന്ന് കേന്ദ്രമന്ത്രി വി.മുരളീധരന്‍. എസ്‌ഡിപിഐ പ്രവര്‍ത്തകരാണ് കൊലക്കു പിന്നിലെന്നാണ് ലഭിച്ച വിവരം. അക്രമികള്‍ക്ക് സര്‍ക്കാര്‍ പരോക്ഷ പിന്തുണ നല്‍കുകയാണെന്നും മുരളീധരൻ ആരോപിച്ചു.
ബിജെപി പ്രവര്‍ത്തകന്‍റെ കൊലപാതകം; അക്രമികള്‍ക്ക് സര്‍ക്കാര്‍ പരോക്ഷ പിന്തുണ നല്‍കിയെന്ന് വി.മുരളീധരന്‍
മുഖ്യമന്ത്രി നിലപാടില്‍ തിരുത്തല്‍ വരുത്തണമെന്നും വി.മുരളീധരന്‍ ആവശ്യപ്പെട്ടു. ഇന്ന് രാവിലെയാണ് ഒ.ബി.സി മോര്‍ച്ച സംസ്ഥാന സെക്രട്ടറി രഞ്ജിത്ത് ശ്രീനിവാസനെ ഒരു സംഘം വീട്ടിൽ കയറി വെട്ടിക്കൊന്നത്. പ്രഭാതസവാരിക്കായി വീട്ടില്‍ നിന്നും ഇറങ്ങാനിരിക്കെയാണ് ഒരു സംഘമെത്തി രഞ്ജിത്തിനെ വെട്ടികൊലപ്പെടുത്തിയത്. നഗരത്തിലെ വെള്ളകിണറിൽ വെച്ചാണ് ആക്രമണമുണ്ടായത്.