തിരുവനന്തപുരം: കെ. ശ്രീകുമാറിനെ തിരുവനന്തപുരം മേയര്‍ സ്ഥാനാര്‍ഥിയായി മത്സരിപ്പിക്കാന്‍ സി.പി.എം തീരുമാനം. ഇന്നു ചേര്‍ന്ന സിപിഎം ജില്ലാ സെക്രട്ടേറിയറ്റാണ് കെ.ശ്രീകുമാറിനെ മേയര്‍ സ്ഥാനാര്‍ഥിയാക്കാന്‍ തീരുമാനിച്ചത്. നിലവില്‍ നഗരസഭ ആരോഗ്യകാര്യ സ്റ്റാന്‍ഡിങ് കമ്മറ്റി ചെയര്‍മാനാണ് ശ്രീകുമാര്‍. ചെവ്വാഴ്ചയാണ് മേയര്‍ തെരഞ്ഞെടുപ്പ്.
വി.കെ പ്രശാന്ത് വട്ടിയൂര്‍ക്കാവ് എം.എല്‍.എ ആയതോടെയാണ് നഗരസഭയിലേയ്ക്ക് പുതിയ മേയറെ കണ്ടെത്തുന്നത്. ആദ്യം മുതല്‍ തന്നെ കെ.ശ്രീകുമാറിന്‍റെ പേരിനാണ് ജില്ലാ കമ്മറ്റി മുന്‍തൂക്കം നല്‍കിയിരുന്നത്. എന്നാല്‍ പ്രഖ്യാപനം വൈകുന്നത് പാര്‍ട്ടിക്കുള്ളിലെ എതിര്‍പ്പുകളാണെന്ന ആരോപണം ഉയര്‍ന്നിരുന്നു. ഇതിനെ തുടര്‍ന്നാണ് ഇന്ന് ചേര്‍ന്ന ജില്ലാ സെക്രട്ടേറിയറ്റ് പ്രഖ്യാപനം നടത്തിയത്. ചാക്ക വാര്‍ഡ് കൗണ്‍സിലറാണ് കെ.ശ്രീകുമാര്‍.