ഇതരസംസ്ഥാനങ്ങളില്‍ നിന്ന് 564 പേരുമായി തിരുവനന്തപുരത്ത് നാല് ട്രെയിനുകളെത്തി

ഇവരിൽ ആർക്കും രോഗലക്ഷണങ്ങൾ റിപ്പോർട്ട് ചെയ്തിട്ടില്ല

തിരുവനന്തപുരം: ലോക്ക് ഡൗണിനെ തുടർന്ന് ഇതര സംസ്ഥാനങ്ങളിൽ കുടുങ്ങിയ 564 പേരുമായി സംസ്ഥാനത്ത് നാല് ട്രെയിനുകൾ എത്തി. രാജധാനി എക്പ്രസ്, ജലന്ദർ - തിരുവനന്തപുരം, ജയ്‌പൂര്‍ - തിരുവനന്തപുരം, ന്യൂ ഡൽഹി- തിരുവനന്തപുരം എന്നീ പ്രത്യേക ട്രെയിനുകളാണ് എത്തിയത്. 243 പേർ രാജധാനി എക്സ്പ്രസിലും, ജലന്ദർ, ജയ്‌പൂര്‍, ന്യൂ ഡൽഹി എന്നിവിടങ്ങളിൽ നിന്ന് 321 പേരുമാണ് തിരുവനന്തപുരം സെൻട്രൽ റെയിൽവേ സ്റ്റേഷനിലെത്തിയത്. ഇവരിൽ ആർക്കും രോഗലക്ഷണങ്ങൾ റിപ്പോർട്ട് ചെയ്തിട്ടില്ല.