തിരുവനന്തപുരം:പ്രതിഭയും അനുഭവങ്ങളും ചാലിച്ച് കടയ്ക്കൽ പുഷ്പന്റെ ചിത്രങ്ങളുടെ പ്രദർശനം. മ്യൂസിയം ഓഡിറ്റോറിയത്തില്‍ ആരംഭിച്ച പ്രദർശനത്തിലെ ഓരോ ചിത്രത്തിലും നിറങ്ങളുടെ സൂക്ഷ്മതയോടെയുള്ള പ്രയോഗം കാണാം. ഇലപൊഴിയും കാലം, മറുതീരം പ്രതീക്ഷയോടെ നോക്കുന്ന മാൻ കിടാങ്ങള്‍, പ്രകൃതിയുടെ വിവിധ ഭാവങ്ങൾ, കൊയ്ത്തുകാരി, പ്രാർഥിക്കുന്ന സ്ത്രീ, പുകവലിക്കാരന്‍. അങ്ങനെ കാഴ്ചക്കാരന് അനുഭവമാവുകയാണ് ഈ ചിത്രപ്രദര്‍ശനം. വൈവിധ്യങ്ങളുടെ പൂർണതയാണ് കടയ്ക്കൽ പുഷ്പന്റെ ചിത്രങ്ങൾ. എണ്ണച്ചായത്തിലും ജലച്ചായത്തിലുമുള്ള ചിത്രങ്ങളും, ഫേവറിറ്റ് പോസ്റ്റർ കളറും എല്ലാം ഉള്‍പ്പെടുന്നു.
വരയില്‍ വിരുന്നൊരുക്കി കടയ്ക്കല്‍ പുഷ്പന്റെ ചിത്രപ്രദര്‍ശനം