തിരുവനന്തപുരത്ത് വീണ്ടും തെരുവ്‌ നായ ആക്രമണം; റോഡിലൂടെ നടന്നുപോയ സ്‌ത്രീയ്ക്ക് നായയുടെ കടിയേറ്റു

മണനാക്ക് സ്വദേശിയായ ലളിതാമ്മ എന്ന സ്‌ത്രീയ്ക്കാണ് തെരുവ് നായയുടെ കടിയേറ്റത്. രാവിലെ റോഡിലൂടെ നടന്നുപോകുന്നതിനിടെ തെരുവ് നായ ആക്രമിക്കുകയായിരുന്നു.

തിരുവനന്തപുരം: ആറ്റിങ്ങലിന് സമീപം കടയ്ക്കാവൂരില്‍ റോഡിലൂടെ നടന്നുപോയ സ്‌ത്രീയെ ആക്രമിച്ച് തെരുവ് നായ. മണനാക്ക് സ്വദേശി ലളിതാമ്മയ്ക്കാണ് കടിയേറ്റത്. രാവിലെ 11 മണിക്ക് റോഡിലൂടെ നടന്നുപോകുന്നതിനിടയിലാണ് തെരുവ്‌ നായ ആക്രമിച്ചത്.

ലളിതാമ്മയുടെ മുഖത്തടക്കം കടിയേറ്റു. ഇവരെ പരിക്കുകളോടെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.