തിരുവനന്തപുരം :സ്‌കൂൾചുമരുകളിൽ ആഘോഷത്തിന്‍റേതായ എഴുത്തുകുത്തുകളില്ല, വരാന്തകളിൽ ആരവങ്ങളോ നിറയെ വര്‍ണാഭമായ തോരണങ്ങളോ ഇല്ല, ഇക്കുറിയും അധ്യാപകദിന ആഘോഷങ്ങൾ ഓൺലൈനിലൂടെ. കൊവിഡില്‍ സ്‌കൂളുകൾ അടച്ചപ്പോൾ പ്രതിസന്ധിയിലായത് അധ്യാപകരും വിദ്യർഥികളും തമ്മിലുള്ള സൗഹൃദ ബന്ധം.
ഗൂഗിൾ മീറ്റിലൂടെയും വാട്‌സ്‌ആപ്പിലൂടെയും മറ്റുമാണ് ഈ മഹാമാരിക്കാലത്ത് അധ്യാപകരും വിദ്യാര്‍ഥികളും തമ്മിലുള്ള ആശയവിനിമയം. കുട്ടികളെ ചേർത്തുപിടിച്ച അധ്യാപകർക്ക് അവരെ നേരിട്ടൊന്നുകാണാൻ പോലും സാധിക്കാത്ത നൊമ്പരകാലമാണ് കടന്നുപോകുന്നത്.
സ്‌കൂളുകളിൽ ആരവങ്ങളും തോരണങ്ങളുമില്ലാത്ത ഒരു അധ്യാപക ദിനം കൂടി..