തിരുവനന്തപുരം: ശബരിമല ദര്‍ശനത്തിനുള്ള വെര്‍ച്യുല്‍ ക്യൂ ബുക്കിങ്ങ് ദേവസ്വം ബോര്‍ഡ് വഴി നടപ്പാക്കണമെന്ന് പുതിയ ദേവസ്വം ബോർഡ് പ്രസിഡന്‍റ് അഡ്വ. കെ. അനന്തഗോപന്‍. ബോര്‍ഡിന്‍റെ ആവശ്യം സര്‍ക്കാരിനെ അറിയിക്കും. അന്തിമ തീരുമാനം സര്‍ക്കാരിന്‍റെ ഭാഗത്ത് നിന്നുമാണുണ്ടാകേണ്ടതെന്നും അനന്തഗോപന്‍ പറഞ്ഞു.
ചുമതലയേറ്റെടുത്ത ശേഷമുള്ള ആദ്യ ബോര്‍ഡ് യോഗം കഴിഞ്ഞ് മാധ്യമങ്ങളോട് സംസാരിക്കുകയായിരുന്നു അനന്തഗോപന്‍. ശബരിമലയില്‍ വിശ്വാസികളുടെ താൽപര്യം സംരക്ഷിക്കും. ശബരിമലയില്‍ ഇത്തവണയും നിയന്ത്രണങ്ങളുണ്ടാകും.
ശബരിമല ദര്‍ശനം; 'വെര്‍ച്യുല്‍ ക്യൂ ബുക്കിങ്ങ് ദേവസ്വം ബോര്‍ഡ് വഴി നടപ്പാക്കണം'
കൊവിഡ് പ്രതിസന്ധി കൂടാതെ മോശം കാലാവസ്ഥയെ തുടര്‍ന്നും നിയന്ത്രണങ്ങളുണ്ട്. ആദ്യ ദിവസങ്ങളില്‍ 30,000 പേര്‍ക്കായിരുന്നു പ്രവേശനം, അത് നിയന്ത്രിക്കും. നാല് ദിവസത്തേക്കാണ് ഇപ്പോള്‍ നിയന്ത്രണം. അത് വരെ സ്‌പോട്ട് രജിസ്‌ട്രേഷന്‍ നിര്‍ത്തിവയ്ക്കുമെന്നും അദ്ദേഹം പറഞ്ഞു.