തിരുവനന്തപുരം: നടൻ ഉണ്ണി രാജൻ പി ദേവിന്‍റെ ഭാര്യ പ്രിയങ്ക ആത്മഹത്യ ചെയ്‌ത സംഭവത്തിൽ രണ്ടാം പ്രതി ശാന്ത രാജൻ പി ദേവിന്‍റെ മുൻ‌കൂർ ജാമ്യ അപേക്ഷ തള്ളി. തിരുവനന്തപുരം പ്രിൻസിപ്പൽ സെഷൻസ് കോടതിയുടേതാണ് ഉത്തരവ്.
പ്രാരംഭ ഘട്ടത്തിൽ തന്നെ ജാമ്യം അനുവദിച്ചാൽ അത് കേസിന്‍റെ ശരിയായ അന്വേഷണത്തെ ബാധിക്കുമെന്ന പ്രോസിക്യൂഷൻ വാദം പരിഗണിച്ചാണ് പ്രതിയുടെ മുൻ‌കൂർ ജാമ്യ അപേക്ഷ കോടതി തള്ളിയത്. പ്രിയങ്കയുടെ ദേഹത്ത് 15 മുറിവുകളുണ്ടെന്നും പ്രതികളെ ചോദ്യം ചെയ്‌താൽ മാത്രമേ ഇത് സംബന്ധിച്ച് അറിയാന്‍ കഴിയുകയുള്ളൂവെന്നും പ്രോസിക്യൂഷന്‍ വാദിച്ചിരുന്നു.