തിരുവനന്തപുരത്ത് പൊലീസിന് നേരെ ആക്രമണം; ഫോര്‍ട്ട് സിഐക്ക് പരിക്ക്

ആറ്റുകാൽ ക്ഷേത്രത്തിലെ ഉത്സവത്തിന്‍റെ ഭാഗമായുള്ള ഘോഷയാത്ര കടന്നു പോകുന്നതിന് തൊട്ടുമുമ്പ് രണ്ട് സംഘങ്ങൾ തമ്മിൽ സംഘട്ടനം ഉണ്ടായിരുന്നു.

തിരുവനന്തപുരം:നഗരത്തിൽ പൊലീസിന് നേരെ മദ്യപസംഘത്തിന്‍റെ ആക്രമണം. ആറ്റുകാൽ ശിങ്കാരത്തോപ്പ് കോളനിയിൽ ഇന്നലെ അര്‍ധ രാത്രി ഒരു മണിയോടെയാണ് (18.02.2022, പുലര്‍ച്ചെ) സംഭവം. ഫോർട്ട് സി ഐ രാജേഷിന്‍റെ തലയ്ക്ക് മർദനമേറ്റു.

ആറ്റുകാൽ ക്ഷേത്രത്തിലെ ഉത്സവത്തിന്‍റെ ഭാഗമായുള്ള ഘോഷയാത്ര കടന്നു പോകുന്നതിന് തൊട്ടുമുമ്പ് രണ്ട് സംഘങ്ങൾ തമ്മിൽ സംഘട്ടനം ഉണ്ടായിരുന്നു. സിഐയുടെ നേതൃത്വത്തിൽ പൊലീസ് എത്തി അനുനയിപ്പിക്കാൻ ശ്രമിക്കുന്നതിനിടെയാണ് ആക്രമണമുണ്ടായത്. പരിക്ക് ഗുരുതരമല്ല. പ്രതികളെ കണ്ടെത്താൻ പൊലീസ് അന്വേഷണം ശക്തമാക്കി.