തിരുവനന്തപുരം: സംസ്ഥാന കോൺഗ്രസിൽ സംഘടന തെരഞ്ഞെടുപ്പിന് സാധ്യതയില്ലെന്ന കെ സുധാകരൻ്റെ പ്രസ്‌താവന തളളി മുതിർന്ന നേതാവും തെരഞ്ഞെടുപ്പ് ചുമതലയുള്ള റിട്ടേണിങ് ഓഫിസറുമായ ജി പരമേശ്വര. സംഘടന തെരഞ്ഞെടുപ്പ് നിശ്ചയിച്ചപ്രകാരം നടക്കുമെന്ന് ജി പരമേശ്വര വ്യക്തമാക്കി.
സംഘടന തെരഞ്ഞെടുപ്പിന് സമയക്രമം തീരുമാനിച്ചിട്ടുണ്ട്. അതനുസരിച്ച് നടക്കും. കെ സുധാകരൻ പറഞ്ഞതിനെക്കുറിച്ച് തനിക്കറിയില്ലെന്നും പരമേശ്വര പറഞ്ഞു.
ജി പരമേശ്വര മാധ്യമങ്ങളെ കാണുന്നു
അഖിലേന്ത്യാ തലത്തിൽ സംഘടന തെരഞ്ഞെടുപ്പ് നവംബറിൽ ആരംഭിച്ചു. മാർച്ചോടെ പൂർത്തിയാക്കാനാണ് ലക്ഷ്യമിടുന്നത്. കേരളത്തിൽ സംഘടന തെരഞ്ഞെടുപ്പ് നടക്കുന്നതിൽ യാതൊരു തടസവുമില്ല.