തിരുവനന്തപുരം: നെയ്യാറ്റിൻകര നഗരസഭ കൗണ്‍സില്‍ യോഗത്തില്‍ വാക്കേറ്റവും കയ്യാങ്കളിയും. പൊതുശ്‌മശാന നിര്‍മാണത്തില്‍ കാലതാമസം നേരിടുന്നെന്ന് ആരോപിച്ച് ഭരണസമിതിക്കെതിരെ യുഡിഎഫ് പ്രര്‍ത്തകര്‍ നഗരസഭക്ക് മുമ്പില്‍ പ്രതിഷേധിച്ചു. പ്രതീകാത്മക ശവമഞ്ചം ഉൾപ്പടെ കൊണ്ടുവന്നായിരുന്നു സമരം. സമരത്തിൽ യുഡിഎഫ് കൗൺസിലർമാരായ പുന്നക്കാട് സജു, ഗ്രാമം പ്രവീൺ എന്നിവർ പങ്കെടുത്തിരുന്നു. പ്രതിഷേധ പരിപാടിക്ക് ഒടുവിൽ ശവമഞ്ചം കൗൺസിൽ ഹാളിലേക്ക് കയറ്റാനുള്ള നീക്കം പൊലീസ് തടഞ്ഞു. എന്നാല്‍ സജുവിനെയും പ്രവീണിനെയും നഗരസഭാ ഹാളിലേക്ക് പ്രവേശിപ്പിച്ചാല്‍ മാത്രമേ പ്രതിഷേധം അവസാനിപ്പിക്കൂവെന്ന് സമരക്കാര്‍ നിലപാടെടുത്തതോടെ പൊലീസ് ഇരുവരെയും യോഗത്തില്‍ പങ്കെടുക്കാന്‍ അനുവദിച്ചു. ഇതോടെയാണ് നാടകീയ സംഭവങ്ങള്‍ക്ക് തുടക്കമാകുന്നത്.
നെയ്യാറ്റിന്‍കര നഗരസഭ കൗണ്‍സില്‍ യോഗത്തില്‍ വാക്കേറ്റവും കയ്യാങ്കളിയും