തിരുവനന്തപുരം:ഹരിത സംസ്ഥാന കമ്മിറ്റി പിരിച്ചുവിട്ട മുസ്ലിം ലീഗ് നടപടിക്കെതിരെ രൂക്ഷ വിമർശനവുമായി സിപിഎം സംസ്ഥാന സെക്രട്ടറി എ വിജയരാഘവൻ.മുസ്ലിം ലീഗ് പോലൊരു പാർട്ടിയിൽ നിന്ന് സ്‌ത്രീവിരുദ്ധതയല്ലാതെ മറ്റൊന്നും പ്രതീക്ഷിക്കേണ്ടതില്ലെന്ന് എ വിജയരാഘവൻ പറഞ്ഞു. ആലങ്കാരികമായി സ്‌ത്രീകൾക്ക് പദവി നൽകുന്നതാണ് ലീഗിന്‍റെ സമീപനം. ഭൂരിപക്ഷ ന്യൂനപക്ഷ വർഗീയതകൾ ശക്തിപ്പെടുമ്പോഴാണ് സ്‌ത്രീവിരുദ്ധത ശക്തമാകുന്നതെന്നും എ വിജയരാഘവൻ പറഞ്ഞു.
കെ ടി ജലീലിന് സിപിഎം പിന്തുണ നൽകുന്നില്ല എന്നത് മാധ്യമ വ്യാഖ്യാനം മാത്രമാണ്. മുസ്ലിം ലീഗിന്‍റെ രാഷ്ട്രീയ നിലപാടുകളെ എന്നും എതിർക്കുന്ന പാർട്ടിയാണ് സിപിഎം. ഇഡിയോടുള്ള നിലപാട് മുഖ്യമന്ത്രി വ്യക്തമാക്കിയിട്ടുണ്ടെന്നും എ വിജയരാഘവൻ പറഞ്ഞു.
'ലീഗിൽ നിന്ന് സ്‌ത്രീ വിരുദ്ധതയല്ലാതെ മറ്റൊന്നും പ്രതീക്ഷിക്കരുത്': എ വിജയരാഘവൻ
'ഹരിത' സംസ്ഥാന കമ്മിറ്റി പിരിച്ചുവിട്ടു