തിരുവനന്തപുരം: ഒന്ന് മുതൽ ഒമ്പതാം ക്ലാസ് വരെയുള്ള വിദ്യാർഥികൾക്കുള്ള ഓൺലൈൻ ക്ലാസ് ഇന്ന് അവസാനിക്കുമെന്ന് വിദ്യാഭ്യാസമന്ത്രി വി ശിവൻകുട്ടി. പുതുക്കിയ ഹയർ സെക്കന്‍ഡറി പരീക്ഷ മാനുവല്‍ പ്രസിദ്ധീകരിച്ചു കൊണ്ട് സംസാരിക്കുകയായിരുന്നു മന്ത്രി. 2005ന് ശേഷം ഇതാദ്യമായാണ് ഹയർ സെക്കന്‍ഡറി പരീക്ഷ മാനുവല്‍ പരിഷ്‌കരിക്കുന്നത്.
വിദ്യാഭ്യാസമന്ത്രി വി ശിവൻകുട്ടി മാധ്യമങ്ങളോട്
ഹയർ സെക്കന്‍ഡറി പരീക്ഷ നടത്തിപ്പ് സംബന്ധിച്ച് യാതൊരു സംശയങ്ങൾക്കും ഇടയില്ലാത്ത വിധം സമഗ്രമായ പരിഷ്കരണമാണ് നടത്തിയിട്ടുള്ളതെന്ന് മന്ത്രി പറഞ്ഞു. റിവാല്യുവേഷനിൽ കാതലായ മാറ്റം വരുത്തിയിട്ടുണ്ട്. ഇരട്ടമൂല്യനിർണയം നടത്തും.