പരീക്ഷ നടത്തിപ്പ് : തീരുമാനം നാളത്തെ കൊവിഡ് അവലോകന യോഗത്തിലെന്ന് മന്ത്രി ശിവൻകുട്ടി

പരീക്ഷ നടത്തിപ്പ് സംബന്ധിച്ചും വാക്‌സിനേഷൻ സംബന്ധിച്ചും മുഖ്യമന്ത്രിയുമായി ആശയവിനിമയം നടത്തിയെന്ന് വി ശിവൻകുട്ടി

തിരുവനന്തപുരം: സ്‌കൂളുകളുടെ പ്രവർത്തനം, പരീക്ഷ നടത്തിപ്പ് തുടങ്ങിയ കാര്യങ്ങളിൽ നാളത്തെ കൊവിഡ് അവലോകന യോഗത്തിൽ തീരുമാനമെടുക്കുമെന്ന് മന്ത്രി വി ശിവൻ കുട്ടി. വിഷയത്തിൽ സാങ്കേതിക വിദഗ്‌ധരുടെ കൂടി അഭിപ്രായങ്ങൾ പരിഗണിച്ചാകും തീരുമാനമെന്നും അദ്ദേഹം പറഞ്ഞു.

മുഖ്യമന്ത്രിയുമായി കൂടിക്കാഴ്‌ച നടത്തി. പരീക്ഷ നടത്തിപ്പ് സംബന്ധിച്ചും വാക്‌സിനേഷൻ സംബന്ധിച്ചും രോഗവ്യാപനം സംബന്ധിച്ചും മുഖ്യമന്ത്രിയെ കാര്യങ്ങൾ ധരിപ്പിച്ചതായും അദ്ദേഹം കൂട്ടിച്ചേര്‍ത്തു.