തിരുവനന്തപുരം:മലമ്പുഴ മലയിടുക്കിൽ കുടുങ്ങിയ ബാബുവിനെ രക്ഷിക്കാനായത് അഭിമാനകരമായ മുഹൂർത്തമെന്ന് റവന്യു മന്ത്രി കെ രാജൻ. അപകടകരവും ദുർഘടവുമായ പാതകൾ താണ്ടിയാണ് രക്ഷാസംഘം ദൗത്യം പൂർത്തിയാക്കിയതെന്ന് മന്ത്രി പറഞ്ഞു. ബാബുവിന്‍റെ ആരോഗ്യനില മോശമല്ലെന്നും മന്ത്രി വ്യക്തമാക്കി.
എൻ.ഡി.ആർ.എഫ്, കരസേനയുടെ രണ്ട് യുണിറ്റുകൾ എന്നിവർ ചേർന്നാണ് മലമ്പുഴയിൽ രക്ഷാപ്രവർത്തനം നടത്തിയത്. മദ്രാസ് റജിമെന്‍റിന്‍റെ ഊട്ടി വെല്ലിംഗ്ൺ യൂണിറ്റ്, ബെംഗളുരുവിൽ നിന്നുള്ള ഒരു സംഘം എന്നിവരാണ് രക്ഷാദൗത്യത്തിന് മുഖ്യ പങ്കുവഹിച്ചത്. ഈ ഘട്ടത്തിൽ അവസരോചിതമായി ഇടപ്പെട്ട മാധ്യമങ്ങൾക്കും കൂടെ നിന്നവര്‍ക്കും നന്ദിയും അറിയിക്കുന്നുവെന്നും മന്ത്രി പറഞ്ഞു.
'താണ്ടിയത് അപകടവും ദുര്‍ഘടവും നിറഞ്ഞ പാത', അഭിമാന മുഹൂര്‍ത്തം