തിരുവനന്തപുരം :തമിഴ്‌നാട് മുഖ്യമന്ത്രി എം.കെ സ്റ്റാലിനുമായി കൂടിക്കാഴ്‌ച നടത്തി ദേവസ്വം മന്ത്രി കെ രാധാകൃഷ്‌ണൻ. ചെന്നൈയിലെ ഡി.എം.കെ ആസ്ഥാനമായ അണ്ണൈ അറിവാലയത്തിലാണ് ഇരുവരും തമ്മിലുള്ള കൂടിക്കാഴ്‌ച നടന്നത്. സി.പി.എം 23-ാം പാര്‍ട്ടി കോണ്‍ഗ്രസിന്‍റെ ഭാഗമായ സെമിനാറിലേക്ക് എം.കെ സ്റ്റാലിനെ ക്ഷണിക്കാനായിരുന്നു സന്ദര്‍ശനം.
കേന്ദ്ര- സംസ്ഥാന ബന്ധങ്ങൾ എന്ന വിഷയത്തിലുള്ള സെമിനാറിലേക്കാലാണ് സ്റ്റാലിനെ മന്ത്രി ചെന്നൈയിലെത്തി ക്ഷണിച്ചത്. ഇരു സംസ്ഥാനങ്ങളെയും ബാധിക്കുന്ന പൊതുകാര്യങ്ങളും കൂടിക്കാഴ്‌ചയിൽ ചര്‍ച്ച ചെയ്‌തതായി മന്ത്രിയുടെ ഓഫിസ് അറിയിച്ചു.
എം.കെ സ്റ്റാലിനുമായി കൂടിക്കാഴ്‌ച നടത്തി മന്ത്രി കെ രാധാകൃഷ്‌ണൻ