തിരുവനന്തപുരം: നെയ്യാറ്റിൻകരയിൽ കഞ്ചാവ് വേട്ട. രണ്ട് കിലോയോളം കഞ്ചാവുമായി പെരുമ്പഴുതൂർ കീളിയോട് തോട്ടിൻകര പുത്തൻവീട്ടിൽ അജിയാണ് (37) എക്‌സൈസിന്‍റെ പിടിയിലായത്. സ്‌പിരിറ്റ് കേസ് ഉൾപ്പെടെ നിരവധി കേസുകളിലെ പ്രതിയാണ് അജി.
ഓണം സ്പെഷ്യൽ ഡ്രൈവിൻ്റെ ഭാഗമായി നെയ്യാറ്റിൻകര എക്സൈസ് ഇൻസ്പെക്ടർ സച്ചിൻ്റെ നേതൃത്വത്തിൽ പെരുമ്പഴുതൂർ ഭാഗത്ത് നടത്തിയ പരിശോധനയിലാണ് ഇയാൾ പിടിയിലാകുന്നത്. ഓണവിപണി ലക്ഷ്യമിട്ട് ചെറുകിട കച്ചവടം നടത്തുന്നവർക്ക് നൽകാൻ തമിഴ്‌നാട്ടിൽ നിന്നും കൊണ്ടുവന്നതാണ്‌ കഞ്ചാവ്.