കല്ലിടല്‍ ഇന്ന് തുടങ്ങും, തടയുമെന്ന് നാട്ടുകാരും പ്രതിപക്ഷ പാര്‍ട്ടികളും

പത്തനംതിട്ട ജില്ലയില്‍ ഇന്ന് കല്ലിടും എന്തു വിലകൊടുത്തും കല്ലിടല്‍ തടയുമെന്ന് പ്രദേശവാസികളും പൗര സമിതികളും

പത്തനംതിട്ട:കെ റെയില്‍ പാതയ്ക്കായി പത്തനതിട്ട ജില്ലയിലെ വിവിധയിടങ്ങളിലെ കല്ലിടല്‍ ഇന്ന് ആരംഭിക്കും. ആറന്‍മുളയ്ക്കടുത്തുള്ള നീര്‍വിളാകം, ആറാട്ടുപുഴ എന്നീ മേഖലയില്‍ നിന്നാരംഭിക്കുന്ന കല്ലിടല്‍ കടമ്പനാട്, പള്ളിക്കൽ, പന്തളം, ഇരവിപേരൂർ, കുന്നന്താനം, കവിയൂർ, കല്ലൂപ്പാറ, കോയിപ്രം എന്നീ വില്ലേജുകളിലൂടെ കടന്ന് പോകും. കൊല്ലം-പത്തനംതിട്ട അതിര്‍ത്തിയായ തെങ്ങമം മൂന്നാറ്റുകരയില്‍ നിന്നാണ് കെ റെയില്‍ ജില്ലയിലേക്ക് പ്രവേശിക്കുന്നത്.

കെ ​റെ​യി​ലി​നു​വേ​ണ്ടി ജി​ല്ല​യി​ലെ ഒൻപതു വി​ല്ലേ​ജു​ക​ളി​ലാ​യി 44.7170 ഹെ​ക്ട​ര്‍ സ്ഥ​ല​മാ​ണ് ആ​വ​ശ്യ​മാ​യുള്ളത്. പ​ദ്ധ​തി​ക്കാ​യി ആ​യി​ര​ത്തോ​ളം വീ​ടു​ക​ളും കെ​ട്ടി​ട​ങ്ങ​ളും ആ​രാ​ധ​നാ​ല​യ​ങ്ങ​ളും പൊ​ളി​ക്കേ​ണ്ടി​വ​രു​മെ​ന്നാണ് പ്രാ​ഥ​മി​ക​മാ​യി നിഗമനം. ജ​ന​വാ​സ കേ​ന്ദ്ര​ങ്ങ​ള്‍, വ​യ​ലു​ക​ള്‍, ച​തു​പ്പു​ക​ള്‍, കൃ​ഷി​സ്ഥ​ല​ങ്ങ​ള്‍ എ​ന്നി​വിടങ്ങളിലൂടെ പാ​ത ക​ട​ന്നു പോ​കു​ന്നു​ണ്ട്.

കെ റെയില്‍ പാതക്കായി കണ്ടെത്തിയ സ്ഥലങ്ങളില്‍ ഓരോ 50 മീറ്ററിലും കല്ലിടാനാണ് തീരുമാനം. എന്നാല്‍ മേഖലയില്‍ ഇത്തരം നാശനഷ്ട്ടങ്ങളുണ്ടാക്കുന്ന പദ്ധതിക്കായി നടത്തുന്ന കല്ലിടല്‍ അനുവദിക്കില്ലെന്നാണ് പ്രദേശവാസികളും പ്രതിപക്ഷ പാര്‍ട്ടികളും കെ റെയില്‍ വിരുദ്ധ സമര സമിതിയും പറയുന്നത്. കെ റെയില്‍ കടന്നുപോകുന്ന പള്ളിക്കലില്‍ കല്ലിടല്‍ തടയാന്‍ പ്രദേശവാസി​കള്‍ കൂട്ടായ്മ രൂപീകരി​ച്ചു.

എന്നാല്‍ കല്ലിടലിന് ആവശ്യമായ സുരക്ഷയൊരുക്കണമെന്ന് ജില്ല ഭരണകൂടം ജില്ല പൊലീസ് മേധാവിയ്ക്ക് നിര്‍ദേശം നല്‍കിട്ടുണ്ട്.