തിരുവനന്തപുരം: കെഎസ്ആർടിസി ജീവനക്കാരുടെ ശമ്പളം പൂർണമായും വിതരണം ചെയ്‌തു. സർക്കാർ നൽകിയ 30 കോടി അക്കൗണ്ടിലെത്തിയതിന് പുറമേ 45 കോടി ഓവർഡ്രാഫ്റ്റ് കൂടി എടുത്താണ് ശമ്പളവിതരണം പൂർത്തിയാക്കിയത്. ശമ്പളം വിതരണം ചെയ്‌തതോടെ ഐഎൻടിയുസി നേതൃത്വം നൽകുന്ന ടിഡിഎഫ് സെക്രട്ടേറിയറ്റിന് മുന്നിലെ സമരം അവസാനിപ്പിച്ചു.
അടുത്ത മാസം അഞ്ചിന് മുന്‍പ് ശമ്പളം നൽകിയില്ലെങ്കിൽ ആറിന് ടിഡിഎഫ് വീണ്ടും സമരം ആരംഭിക്കും. ചീഫ് ഓഫിസിന് മുന്നിൽ സിഐടിയു സമരം തുടരുകയാണ്. എല്ലാ മാസവും അഞ്ചിന് മുന്‍പ് ശമ്പളം ഉറപ്പാക്കണമെന്ന് ആവശ്യപ്പെട്ട് സിഐടിയു, ബിഎംഎസ് എന്നി തൊഴിലാളി സംഘടനകള്‍ 28ന് സമരത്തിന് നോട്ടീസ് നൽകിയിട്ടുണ്ട്.