തിരുവനന്തപുരം:എകെജി സെന്‍ററിന് നേരെ നടന്ന ബോംബേറിന് പിന്നിൻ യുഡിഎഫാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്‌ണൻ. സംസ്ഥാനത്ത് അക്രമം നടത്തി പ്രകോപനം സൃഷ്‌ടിക്കാനുള്ള യുഡിഎഫ് നീക്കമാണ് നടക്കുന്നത്. ഈ തന്ത്രങ്ങളിൽ യാതൊരു കാരണവശാലും പാർട്ടി പ്രവർത്തകർ കുടുങ്ങിപ്പോകരുതെന്നും കോടിയേരി പറഞ്ഞു.
സംസ്ഥാനത്തെ കലാപഭൂമിയാക്കി ക്രമസമാധാന നില തകർന്നു എന്ന മുറവിളി സൃഷ്‌ടിക്കാനുള്ള ബോധപൂർവ്വമായ പരിശ്രമങ്ങളാണ് കഴിഞ്ഞ കുറച്ച് നാളുകളായി നടന്നുകൊണ്ടിരിക്കുന്നത്. അതിന്‍റെ തുടർച്ചയാണ് എകെജി സെന്‍ററിന് നേരെയുള്ള ആക്രമണം. പാർട്ടിയെ സ്നേഹിക്കുന്ന ജനങ്ങളെ പ്രകോപിപ്പിക്കുന്നതിനുള്ള തന്ത്രങ്ങളാണ് സംസ്ഥാനത്ത് നടന്നുകൊണ്ടിരിക്കുന്നത്.