തിരുവനന്തപുരം: കേരള കോണ്‍ഗ്രസിനുള്ളിലെ ജോസഫ് വിഭാഗവും ജോസ് കെ മാണി വിഭാഗവും തമ്മിലുള്ള തര്‍ക്കം പരിഹരിക്കാന്‍ ചര്‍ച്ച തുടരുമെന്ന് ഉമ്മന്‍ ചാണ്ടി. കോട്ടയം ജില്ലാ പഞ്ചായത്ത് പ്രസിഡന്‍റ് സ്ഥാനത്തെ ചൊല്ലിയാണ് ഇരുവിഭാഗവും തമ്മില്‍ ഇപ്പോള്‍ തര്‍ക്കം നടക്കുന്നത്. തര്‍ക്കം പരിഹരിക്കാന്‍ ഇന്ന് കെപിസിസി ആസ്ഥാനത്ത് പ്രതിപക്ഷ നേതാവ് രമേശ് ചെന്നിത്തല, കെപിസിസി പ്രസിഡന്‍റ് മുല്ലപ്പള്ളി രാമചന്ദ്രന്‍, എഐസിസി ജനറല്‍ സെക്രട്ടറി ഉമ്മന്‍ ചാണ്ടി എന്നിവര്‍ യോഗം ചേര്‍ന്നെങ്കിലും ഒരു തീരുമാനത്തിലെത്താതെയാണ് യോഗം പിരിഞ്ഞത്. എന്നാല്‍ പരിഹാര ചര്‍ച്ചകള്‍ തുടരുമെന്ന് ഉമ്മന്‍ ചാണ്ടി അറിയിച്ചു.
കേരള കോണ്‍ഗ്രസിനുള്ളിലെ തമ്മില്‍ തല്ല്; തര്‍ക്കം പരിഹരിക്കാന്‍ ചര്‍ച്ച തുടരുമെന്ന് ഉമ്മന്‍ ചാണ്ടി