തിരുവനന്തപുരം: സെപ്‌തംബര്‍ 28ന് തിരുവനന്തപുരം ഗ്രീന്‍ ഫീല്‍ഡ് സ്റ്റേഡിയത്തില്‍ നടക്കുന്ന ഇന്ത്യ-ദക്ഷിണാഫ്രിക്ക ടി20 മത്സര ഒരുക്കങ്ങള്‍ പൂര്‍ത്തിയായതായി കേരള ക്രിക്കറ്റ് അസോസിയേഷന്‍ സെക്രട്ടറി ശ്രീജിത് വി നായര്‍ ഇടിവി ഭാരതിനോട് പറഞ്ഞു. ടിക്കറ്റുകള്‍ ഏതാണ്ട് പൂര്‍ണമായും വിറ്റുപോയത് സംഘാടകരെ അതിശയിപ്പിച്ചിരിക്കുകയാണെന്നും അദ്ദേഹം പറഞ്ഞു.
ഇന്ത്യ-ദക്ഷിണാഫ്രിക്ക ടി20; ഒരുക്കങ്ങള്‍ പൂര്‍ത്തിയായതായി കേരള ക്രിക്കറ്റ് അസോസിയേഷന്‍
ഇരു ടീമുകളും തിരുവനന്തപുരത്തെത്തി. ഇന്ന് ഇരു ടീമുകളുടെയും പരിശീലന മത്സരവും ക്യാപ്‌ടന്‍മാരുടെ വാര്‍ത്ത സമ്മേളനവുമുണ്ട്. ടിക്കറ്റുകള്‍ക്ക് ഇത്രയേറെ പ്രതികരണം ഉണ്ടായത് ഭാവിയില്‍ കൂടുതല്‍ അന്താരാഷ്ട്ര മത്സരങ്ങള്‍ തിരുവനന്തപുരത്തിന് ലഭിക്കുന്നതിന് കാരണമാകും.