തിരുവനന്തപുരം: കഴക്കൂട്ടം മേനംകുളത്ത് മെഡിക്കൽ സ്റ്റോർ ഉടമക്ക് നേരെ കഴക്കൂട്ടം എസ്.ഐയുടെ അതിക്രമം. ജനസേവ മെഡിക്കൽ സ്റ്റോർ ഉടമ ശ്രീലാലിനെയാണ് എസ്.ഐ സന്തോഷ് കടയിൽ കയറി ആക്രമിച്ചത്. ഇന്നലെ രാത്രി എട്ട് മണിക്കാണ് സംഭവം. മര്‍ദന ദൃശ്യങ്ങള്‍ കടയില്‍ സ്ഥാപിച്ച ക്യാമറയില്‍ പതിഞ്ഞതോടെയാണ് സംഭവം പുറത്തറിയുന്നത്. സംഭവം വിവാദമായതോടെ ജില്ലാ പൊലീസ് മേധാവി ഇയാള്‍ക്കെതിരെ നടപടിയെടുത്തു. എസ് ഐ സന്തോഷിനെ സിറ്റി കൺട്രാൾ റൂമിലേക്കാണ് സ്ഥലം മാറ്റിയത്. മെഡിക്കല്‍ സ്റ്റോര്‍ ഉടമയുടെ പരാതിയിലാണ് നടപടി.
മാസ്ക് ധരിച്ചില്ലെന്ന് ആരോപിച്ച് മെഡിക്കല്‍ സ്റ്റോര്‍ ഉടമയെ എസ്.ഐ മര്‍ദിച്ചു