എആർ നഗർ സഹകരണ ബാങ്കിൽ വ്യാപക ക്രമക്കേടെന്ന് സര്‍ക്കാര്‍

ബാങ്കിലെ ജീവനക്കാരുടേയും ബന്ധുക്കളുടെയും പേരിൽ രണ്ടര കോടിയലിധികം രൂപയുടെ അനധികൃത നിക്ഷേപങ്ങളുണ്ടെന്ന് സര്‍ക്കാര്‍ നിയമസഭയില്‍

തിരുവനന്തപുരം: മലപ്പുറം എആർ നഗർ ബാങ്കിൽ വ്യാപക ക്രമക്കേടെന്ന് സർക്കാർ നിയമസഭയിൽ. ബാങ്കിൽ നിരവധി വ്യാജ അക്കൗണ്ടുകളുണ്ടെന്ന് സഹകരണമന്ത്രി വി.എൻ വാസവൻ അറിയിച്ചു. നിയമസഭയിൽ രേഖാമൂലം നൽകിയ മറുപടിയിലാണ് വെളിപ്പെടുത്തൽ.

എആർ നഗർ സഹകരണ ബാങ്ക് മുൻ സെക്രട്ടറി വി.കെ ഹരികുമാറിനും വ്യാജ അക്കൗണ്ട് ഉണ്ടെന്ന് സഹകരണ വകുപ്പ് കണ്ടെത്തിയിട്ടുണ്ട്. കെവൈസി മാനദണ്ഡങ്ങൾ പാലിച്ചിട്ടില്ല.

ബാങ്കിലെ ജീവനക്കാരുടേയും ബന്ധുക്കളുടെയും പേരിൽ രണ്ടര കോടിയിലധികം രൂപയുടെ അനധികൃത നിക്ഷേപങ്ങളാണുള്ളത്.

വ്യാജ അക്കൗണ്ടുകളിലൂടെ വ്യാപകമായ ക്രമക്കേടുകളാണ് നടന്നതെന്നുമാണ് സഹകരണ മന്ത്രിയുടെ രേഖാമൂലമുള്ള മറുപടിയിലുള്ളത്.