തിരുവനന്തപുരം: വെള്ളറട ഗ്രാമപഞ്ചായത്ത് പ്രസിഡന്‍റ് എം.ശോഭ കുമാരിയുടെ ഭർത്താവ് മോഹനൻ ആത്മഹത്യക്ക് ശ്രമിച്ചു. പഞ്ചായത്തില്‍ നിന്നും കാക്കതൂക്കി സ്വദേശിയായ യുവതിക്ക് അനുവദിച്ച വീടിന്‍റെ നിര്‍മാണ ചുമതല മോഹനന്‍ ഏറ്റെടുത്തിരുന്നു. ഇത് രാഷ്ട്രീയ വിമര്‍ശനങ്ങള്‍ക്കും കയ്യാങ്കളിക്കും ഇടയാക്കിയതില്‍ മനംനൊന്താണ് ആത്മഹത്യക്ക് ശ്രമിച്ചതെന്ന് മോഹനന്‍ പറഞ്ഞു. പുലർച്ചെ ഗുളിക കഴിച്ച് അവശനിലയില്‍ കണ്ടെത്തിയ മോഹനനെ കാരക്കോണം മെഡിക്കല്‍ കോളജിലും തുടര്‍ന്ന് വെള്ളറടയിലെ സ്വകാര്യ ആശുപത്രിയിലേക്കും മാറ്റി.
വെള്ളറട ഗ്രാമപഞ്ചായത്ത് പ്രസിഡന്‍റിന്‍റെ ഭർത്താവ് ആത്മഹത്യക്ക് ശ്രമിച്ചു