തിരുവനന്തപുരം:കൊവിഡ് പ്രതിരോധത്തില്‍ കേരളത്തിന് അടുത്ത മൂന്നാഴ്‌ച നിർണായകമെന്ന് ആരോഗ്യ മന്ത്രി വീണ ജോർജ്. രണ്ട് മുതല്‍ മൂന്നാഴ്‌ച വരെ കടുത്ത ജാഗ്രത പാലിക്കണം. ആള്‍ക്കൂട്ടം പരമാവധി ഒഴിവാക്കണമെന്നും, ചടങ്ങുകളില്‍ ആളുകളുടെ എണ്ണം പരമാവധി കുറയ്ക്കണമെന്നും മന്ത്രി വ്യക്തമാക്കി.
സംസ്ഥാനത്ത് കൊവിഡ് മൂന്നാം തരംഗം എന്ന സൂചനയില്ല. ഡെൽറ്റ വകഭേദം തന്നെയാണ് രോഗവ്യാപനത്തിന് ഇടയാക്കുന്നത്. ദേശീയ ശരാശരിയേക്കാൾ കുറവാണ് കേരളത്തിലെ രോഗികളുടെ എണ്ണമെന്നും മന്ത്രി തിരുവനന്തപുരത്ത് പറഞ്ഞു.
കേരളത്തിന് അടുത്ത മൂന്നാഴ്‌ച നിർണായകമെന്ന് ആരോഗ്യ മന്ത്രി വീണ ജോർജ്