തിരുവനന്തപുരം: ഗവണറെ തിരികെ വിളിക്കണമെന്നാവശ്യപ്പെട്ട് നിയമസഭയില്‍ പ്രമേയം അവതരിപ്പിക്കാനുള്ള പ്രതിപക്ഷ നേതാവ് രമേശ് ചെന്നിത്തലയുടെ നടപടിയെ സ്വാഗതം ചെയ്‌ത് ഗവര്‍ണര്‍ ആരിഫ് മുഹമ്മദ് ഖാന്‍. എല്ലാവര്‍ക്കും അഭിപ്രായം പറയാന്‍ അവകാശമുണ്ട്. ഭരണഘടന പ്രകാരം സര്‍ക്കാറിന്‍റെ തലവന്‍ താന്‍ തന്നെയാണ്. സര്‍ക്കാരിനെ തിരുത്താനും വിമര്‍ശിക്കാനും തനിക്ക് അധികാരമുണ്ട്. തന്നെ നിയമിച്ചത് രാഷ്ട്രപതിയാണ്. എന്തെങ്കിലും പരാതിയുള്ളവര്‍ക്ക് രാഷ്ട്രപതിയെ സമീപിക്കാമെന്നും ഗവര്‍ണര്‍ വ്യക്തമാക്കി. ഉത്തരവാദിത്തമില്ലാത്ത ഇത്തരം പ്രസ്‌താവനകളോട് കൂടുതല്‍ ഒന്നും പറയാനില്ലെന്നും അദ്ദേഹം വ്യക്തമാക്കി.
തിരിച്ചുവിളിക്കണമെന്ന പ്രതിപക്ഷത്തിന്‍റെ ആവശ്യം സ്വാഗതം ചെയ്‌ത് ഗവര്‍ണര്‍