തിരുവനന്തപുരം:ഹോട്ടലുകളിലെയും സ്ഥാപനങ്ങളിലെയും ഭക്ഷ്യ സുരക്ഷാ പരിശോധന തുടരാനും ജ്യൂസ് കടകളിൽ പ്രത്യേക പരിശോധന നടത്താനും ആരോഗ്യ മന്ത്രി വീണ ജോർജ് നിർദേശം നൽകി. എല്ലാ ജില്ലകളിലെയും ആരോഗ്യ വകുപ്പ് ഉദ്യോഗസ്ഥരുടെ ഉന്നതതല യോഗത്തിലാണ് മന്ത്രി നിര്‍ദേശം നല്‍കിയത്.
ജ്യൂസ് കടയുടെ വൃത്തി, ഉപയോഗിക്കുന്ന പഴങ്ങള്‍, വെള്ളം, ഐസ്, കളര്‍ എന്നിവ പരിശോധിക്കും. ചെക്ക് പോസ്റ്റുകള്‍ കേന്ദ്രീകരിച്ച് നടക്കുന്ന ശക്തമായ പരിശോധന തുടരും. പരിശോധന നടത്തുന്ന ഹെല്‍ത്ത് സ്‌ക്വാഡിന്‍റെ അവലോകന യോഗം ഉടൻ ചേരും. പരിശോധനയോടൊപ്പം ബോധവത്ക്കരണവും ഉറപ്പാക്കണമെന്ന് മന്ത്രി നിര്‍ദേശിച്ചു.