തിരുവനന്തപുരം :സര്‍ക്കാര്‍ ജീവനക്കാര്‍ പണിമുടക്കില്‍ പങ്കെടുക്കുന്നത് തടഞ്ഞ് കഴിഞ്ഞ ദിവസം ഹൈക്കോടതി പുറപ്പെടുവിച്ച വിധിക്കെതിരെ രൂക്ഷ വിമര്‍ശനവുമായി സി.ഐ.ടി.യു സംസ്ഥാന സെക്രട്ടറി എളമരം കരീം എം.പി. പണിമുടക്കവകാശം ലംഘിക്കാന്‍ ഒരു കോടതിക്കുമാകില്ല. നിയമം അനുസരിച്ച് ഹൈക്കോടതി തീരുമാനം എടുക്കണമെന്നാവശ്യപ്പെട്ട് ഹൈക്കോടതിക്ക് മുന്നില്‍ സമരം നടത്തുമെന്നും തീയതി പിന്നീട് തീരുമാനിക്കുമെന്നും അദ്ദേഹം പറഞ്ഞു.
കേരളത്തില്‍ പണിമുടക്ക് ഇന്നും ശക്തമായി തുടരും. ഒരു ശക്തിക്കുമുന്നിലും തലകുനിക്കാതെ സമരവുമായി മുന്നോട്ടുപോകും. സംഘര്‍ഷം ഉണ്ടാക്കരുതെന്ന് പ്രവര്‍ത്തകര്‍ക്ക് നിര്‍ദേശം നല്‍കിയിട്ടുണ്ട്.