തിരുവനന്തപുരം:ബുധനാഴ്ച ആരംഭിക്കുന്ന സ്‌കൂളുകളിലെ വാക്‌സിനേഷന് അടിസ്ഥാന സൗകര്യങ്ങൾ വിദ്യാഭ്യാസ വകുപ്പ് ഒരുക്കുമെന്ന് മന്ത്രി വി ശിവൻകുട്ടി. 500ൽ കൂടുതൽ വിദ്യാർഥികൾ പഠിക്കുന്ന 967 കേന്ദ്രങ്ങളാണ് സജ്ജമാക്കുക. 8.14 ലക്ഷം വിദ്യാർഥികൾക്കാണ് വാക്‌സിൻ നൽകേണ്ടത്.
'വിദ്യാർഥികൾക്ക് വാക്‌സിൻ രക്ഷിതാക്കളുടെ അനുവാദത്തോടെ മാത്രം'; വാക്സിനേഷൻ ബുധനാഴ്ച തുടങ്ങുമെന്ന് വി ശിവൻകുട്ടി
15 - 18 വരെ പ്രായമുള്ള 500ന് താഴെ വിദ്യാർഥികൾ പഠിക്കുന്ന സ്‌കൂളുകളിലെ വിദ്യാർഥികൾക്ക് ആരോഗ്യ വകുപ്പ് നേരത്തെ നിശ്ചയിച്ചിരിക്കുന്ന കേന്ദ്രങ്ങളിൽ വാക്സിനേഷൻ തുടരാം. വാക്സിനേഷൻ കേന്ദ്രങ്ങളായി നിശ്ചയിച്ചിരിക്കുന്ന സ്‌കൂളുകളിൽ 18ന് പിടിഎ യോഗം ചേരും. രക്ഷിതാക്കളുടെ അനുവാദത്തോടെ മാത്രമേ കുട്ടികൾക്ക് വാക്‌സിൻ നൽകൂ. ഭിന്നശേഷി വിദ്യാർഥികളുടെ വാക്‌സിനേഷന് ഡോക്‌ടർമാരുടെ സർട്ടിഫിക്കറ്റ് നിർബന്ധമാണ്.