തിരുവനന്തപുരം: കോവളം വാഴമുട്ടം പാറവിളയില്‍ പാറ വീണ് വീട് തകർന്ന സംഭവത്തിൽ പ്രദേശത്തെ പാറകൾ മുഴുവൻ പൊളിച്ചു മാറ്റാൻ തീരുമാനം. സംഭവസ്ഥലം സന്ദർശിച്ച ദുരന്ത നിവാരണ വിഭാഗം ഡെപ്യൂട്ടി കലക്‌ടര്‍ ജി.കെ സുരേഷ് കുമാറാണ് ഇക്കാര്യം അറിയിച്ചത്. പാറവിളയില്‍ താമസിക്കുന്ന കുടുംബങ്ങള്‍ക്ക് അപകടമുണ്ടാക്കുന്ന തരത്തിലാണ് കുന്നുകളത്ത് പാറകൾ സ്ഥിതിചെയ്യുന്നത്. ഇവര്‍ക്ക് സംരക്ഷണം ഉറപ്പുവരുത്തുന്നതിന്‍റെ ഭാഗമായാണ് പാറകൾ നീക്കം ചെയ്യാന്‍ തീരുമാനിച്ചതെന്ന് ഡെപ്യൂട്ടി കലക്‌ടര്‍ ജി.കെ സുരേഷ് കുമാറാര്‍ പറഞ്ഞു.
കോവളത്ത് പാറ വീണ സംഭവം ; പാറകള്‍ മുഴുവന്‍ പൊളിച്ചു മാറ്റാന്‍ നിര്‍ദേശം