തിരുവനന്തപുരത്ത് കഞ്ചാവ് പിടിക്കാനെത്തിയ പൊലീസിന് നേരെ ബോംബേറ് ; രണ്ട് പേർ പിടിയിൽ

സംഭവം തിരുവനന്തപുരം കരമനയ്ക്കുസമീപം കിള്ളിപ്പാലത്ത് കിള്ളി ടവേഴ്‌സില്‍

തിരുവനന്തപുരം :ലോഡ്‌ജ് മുറി കേന്ദ്രീകരിച്ച് കഞ്ചാവ് വില്‍പ്പന നടത്തിവന്ന സംഘം പൊലീസിനുനേർക്ക് ബോംബെറിഞ്ഞ്‌ രക്ഷപ്പെട്ടു. തിരുവനന്തപുരം കരമനയ്ക്കുസമീപം കിള്ളിപ്പാലത്ത് കിള്ളി ടവേഴ്‌സിലാണ് സംഭവം. നാലംഗ സംഘത്തിൽ രജീഷ് , കൃഷ്ണ എന്നിവരെ പൊലീസ് പിടികൂടി.

ഇവരിൽ നിന്ന് കഞ്ചാവും മൂന്ന് തോക്കുകളും കണ്ടെടുത്തു. ഷാഡോ പൊലീസ് സംഘം ഇവർ താമസിച്ചിരുന്ന സ്ഥലത്തെത്തിയപ്പോൾ നാടൻ ബോംബെറിഞ്ഞ ശേഷം രണ്ടുപേര്‍ ഒന്നാം നിലയിൽ നിന്ന് ചാടി രക്ഷപ്പെടുകയായിരുന്നു. പിടിയിലായവരെ പൊലീസ് ചോദ്യം ചെയ്തു വരികയാണ്.