തിരുവനന്തപുരം: ഘടകകക്ഷികളുമായുള്ള ചർച്ചകൾക്ക് ശേഷം രാജ്യസഭ തെരഞ്ഞെടുപ്പിലെ സ്ഥാനാർഥികളെ പ്രഖ്യാപിക്കുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്‌ണന്‍. ചില ഘടകകക്ഷികൾ സീറ്റ് ആവശ്യപ്പെട്ടിട്ടുണ്ട്. ഇവരുമായി എല്ലാം ചർച്ച ചെയ്യും. ഇടതുമുന്നണി യോഗമാണ് ഇക്കാര്യം തീരുമാനിക്കുക.
സിപിഎം സംസ്ഥാന സെക്രട്ടറി കോടിയേരി ബാലകൃഷ്‌ണന്‍ മാധ്യമങ്ങളെ കാണുന്നു Also read: സുധാകരനെതിരായ പ്രസ്‌താവനയിൽ ഉറച്ച് നിൽക്കുന്നുവെന്ന് സി.വി വർഗീസ്; ന്യായീകരിച്ച് എം.എം മണി
മുന്നണി തീരുമാനത്തിന്‌ ശേഷം സിപിഎം സ്ഥാനാർഥിയെ സംസ്ഥാന സെക്രട്ടേറിയറ്റ് യോഗം തീരുമാനിക്കുമെന്നും കോടിയേരി പറഞ്ഞു. സെക്രട്ടേറിയറ്റ് അംഗങ്ങളുടെയും മറ്റ് നേതാക്കളുടെയും പ്രവർത്തന ചുമതല പാർട്ടി കോൺഗ്രസിന് ശേഷം മാത്രമേ നിശ്ചയിക്കുകയുള്ളൂവെന്നും കോടിയേരി കൂട്ടിച്ചേര്‍ത്തു.
